Windows Device Driver Search Tuah Ning

Hi khawnghi ka tial te lai tiah ka ruah chih nak a sau ngai cang natein can nih a ka pek lo caah a tu lawngah ka rak in tial piak khawh hna, Computer cungah a herh bik mi cu Driver hi an si ti cu kan theih cio theu lai dah. Driver an tlin loah cun kan Computer ah buainak tete kan ton lengmang tawn, a bik in HP Laptop hi Windows danghna Install kan tuah tik ah (Driver Pack Solutions) ah a ummi hi a dih lak tein install tuah an har ngaingai caah zei bantuk computer a si zawngah a tanglei i ka tial bantuk tein rak tuah law nan tlam a tling cio ko lai.

Windows Device Driver Search Tuah Ning. Motherboard, hardware an si zawngah driver na ngeitilo, hardware min/company/model na theih tiloah cun atanglei bantuk in na rak tuah lai i tlam a tling hrimhrim lai.
 (Windows 7 caah step-by-step in ka chim lai i, XP he zawng a dang tuk lo, XP zawngah Device manager chungah a lut ning na thiam koah cun atanglei i ka chim ning he hin a khat ko, Device Manager luh ning lawng a dangmi si).

Steps:-

1. Desktop ah Computer kha Right-click law, Properties->Device Manager (a siloah  Computer Right-click->Manage->Device Manager) ( Device Manager a lang lai)

2. Na device/hardware a driver na ngeih lomi (install na tuah lomi) zawnah khan Question Mark (yellow) a rak um lai. ( Na expand cialoah cun awikhat  click a herh men lai).

3. Question mark umnak ah khan right click law, properties ah kal. A dik/hman ah cun tab 1,2,3 hrawng na hmuh lai i General, Details, Resource ti bantuk an si lai i, Mah khan Details timi tab kha click piak. (Right-click->Properties->details)

4. Details timi tab na click lai i a tangleiah Property timi le Value timi na hmuh lai, Properties timi tangah khan select khawh in Device description timi a rak um lai, kha kha click law, Hardware Ids timi cafang kha na select lai.

5. Hardware Ids timi na select cangah cun Value timi cafang tangah khan catial mi na hmuh hna lai (e.g: PCI\VEN_8086&DEV_100F&SUBSYS_075015AD&REV-01 mah bantuk hi an silai) PCI device a siah cun PCI\ timi cafang na hmuh khawh lai, USB device a siah cun USB\ , man bantuk cafang hi na hmuh lai, HID\ MONITOR\ te pawl zawng an um kho.

6. A herh bik mi cu ( a cung i example bantuk khin PCI\VEN_8086&DEV_100F&SUBSYS_075015AD&REV-01 mah hi na herh mi rak siseh law) PCI\ timi le &SUBSYS hna karlak ah a ummi cafang kha an si, a cunglei i example ah khin cun VEN_8086&DEV_100F timi khi a si hnga i mah cafang kha cauk chungah tial law i cinken. ( USB device a siah cun USB\ timi changtu a si lai.)

7. Na browser kha awng law, http://devid.drp.su/?l=en hi link ah hin lut, a Hardware Ids cauk ah tial law i cinken ka timi cafang kha a search box ah na paste lai i Windows na hman mile Windows Bit kha na thim piak lai i, search driver timi kha na click lai. ( A tanglei ah khan radio button ah khan DevID timi a rak i select cia loah cun mah kha select na tuah ta lai i na search lai.

8. Search Driver timi na click hnu tlawmpal ah atang leiah khan na herh mi driver cu download tuah khawh dingin na hmuh cang hna lai i, Na windows OS kha na select lai i,  driver na herh mi( a thar ) kha download na tuah khawh cang lai.. ( A pinlei Floppy Disc lem te kha Download tuah nak a si lai.)

Atanglei i link ka chiah miah hin lut law a cungleii ka chim bantuk khin rak tuah te.

   HI KA AH HIN DOWNLOAD TUAH KHAWH A SI

A herh ningin Video zawngin tuah piak khawh hna ka van i zuam te lai..