Khrihfa Hlabu IPAD & TAB Caah

Vawleicung hi fimmnak in a thang chin lengmang bantukin Laimi zong hi IT chan nih hin a kan kalpi cuahmah ve. IPAD le TAB a hmangmi kan tam ngaingai cang.
Khrihfa Hlabu hi a hlabia lawng tuahmi tete cu ka hmuh pah tawn. Asinain a solfa a um mi an tuahmi ngaingai hi ka hmu rih lo. IPAD le TAB le Smart Phone hna ah a solfa ummi Khrihfa Hlabu hi um kho selaw ti saduh ka that lengmang. Midang hlei nih an tuah lo caah keimah nih tuah ko kun ning ka ti i hihi ka van tuahmi a si.

Laimi mipi nih fawizang bik in kan hman khawhnak ding caah ti hmuitinh he ka tuah mi a si i tlamtlinlonak tampi a um. Asinain hmantlak cu a si ve ko lai dah tiah ruahchannak ka ngei.

Akawlnak zong tlamtling te in a um dih. Khrihfa Hlabu tling tein a um dih. Chawnghlang relnak le a dang a um dih. Akawlnak hi van hmeh in kawl duhnak cahmai ah a kal dingin ka tuah mi a si. Cahmai acunglei teah Akawlnak ah ti te kha van hmeh than ah Akawlnak ah an kal pi than lai.

IPAD le TAB Ah Khumh Ning

 IPAD, TAB, Smart Phone, Laptop le a dangdang ah ai hmang kho dih. Akhumh ning phun tampi a um lai i a thiammi nih cun nanmah thiam ning cio khan i khumh ding a si ko lai. Atanglei hi zapi caah a fawi bik nak in khumh ning a si. Khumh ning tampi lakah phun khat a si ve.

Na IPAD, TAB le Phone ah Internet na ngeih a herh. (Na ngeih lo ahcun Itunes le Computer he peh in khumh khawh thiam a si.)

Adobe Reader na download lai i na install lai. Adobe Reader na ngeih lo ahcun na on khawh lai nain Interactivity ka tuah mi pawl rian an tuan lai lo. Akawl a har tuk lai. Hmeh ding vialte an i hmet kho lai lo. Cu caah Adobe Reader download le install a herhnak a si. Iphone le Ipad hmang mi nih cun App Store ah Adobe Reader nan download lai. Adang Adroid Phone a hmangmi nih cun Play Store le a dang ah nan download lai. Install na tuah lai. Atawinak in Adobe Reader na ngeih hmasa a herh.

Na IPAD maw TAB maw na hmanmi ah Internet Browser na kau lai. Safari maw, Google Chrome maw na ngeih mi poh na kau lai.

www.cungte4u.com kha web address ah na tialpiak lai. Atu i hi Web Page a chuah tiang na kawlpiak lai. Hlabu web page ah na kal lai i hi step hi na zulh lai.

Mah hi a tanglei Click Here hi na hmeh piak lai.

                                                         

Web Page a hong chuak lai i na awrh lei kam a cunglei kil ah Please wait timi na hmuh lai i Second 3 hrawng na hngah lai i (SKIP AD) na hmuh lai i SKIP AD  ti kha na hmeh piak la. A download dih hnu ah Khrihfa Hlabu Page a van i kau lai.

IPAD le Iphone ahcun na kut in voikhat na van hmeh lai (na duhnak zawn poh) cun acunglei teah Open In ti na hmuh lai. Kha Open In kha na hmeh lai i cu hnu cun Adobe Reader ti kha na hmeh piak lai i second pathum hnu ah Khrihfa Hlabu cu Adobe Reader in ai ong lai i hman khawh a si cang. Android phone le a dang TAB pawl ah Open In ti maw Adobe Reader in ai on khawhnak ding kha na kawl piak ve lai i Adobe Reader in ai on ahcun hman khawh a si cang.

Adobe Reader in na on hnu ah voikhat tein na van hmeh piak lai i acunglei ah mit bantuk te a um lai. Cucu na van hmehpiak lai i Continuous le Single Page le Night Mode na hmuh lai. Hla Cauk Taktak bantuk in hmai khat bak kau na duh ahcun Single Page na hmeh lai. Cun Keyboard tumnak i zoh duhmi hna nih cun hmaikhat a donglo mi zoh duh ahcun Continuous zong kha thim khawh a si.

Hmailei i hman na duh tikpoh ah na IPAD maw TAB maw kha chung i Adobe Reader chungah khan a um lai i cu na van kai lai i ready in hman dingin a um zungzal ko lai.

Kha vial kha a si ko. Afawi te. Na van hman lai i chimh zong a hau lo. Afawi tuk hringhran.

Hi Khrihfa Hlabu IPAD & TAB Version a hmangtu vialte nan cungah lunglawmhnak tampi ka ngei. Chambaunak tampi a um. A tha deuh mi zong an kan chuahpiak te ko lai. Cu hlan chung cu hman lullak awk a tha ve ko lai dah?

Copy Right kong he CACC nih Copy Right a ngeih mi a si i Bawipa Thangthatnak a si ko caah lunglawm tein hmannaknawl kan pe hram hna sehlaw a tha tuk hringhran hnga.

Lunglawmhnak tampi he,

Cung Hnin

Ruahnak Cheuhnak tete tial nan duh ahcun tial ulaw, ai palhnak hna a um ahcun ka rak remh ve than te lai. Kai lawm. Mah hla bu hi kei mah nih ka tuah mi cu a silo a tuah tu hi Lungler Khua Pastor Cung Hnih, Australia ummi nih a tuah a mi si.