Facebook Password Lak Than Ning

Atu I ka tial mi hi cheukhat caah cun rel huam ding zawng khi a silo natein cheukhat caah cun a kan bawmtu a si kho mi a si caah ka tial nak a ruang a si.

Laimi chungin mi tampi nih Facebook kan hmang hna I Facebook zohkhenh ning kan thiam tawn lo I kan Facebook kha Password kan philh sual tawn I cu kan philh mi cu a remh le siam ning kan thiam loah cun Password kan philh mi Facebook kha kan hawile nih password a philh ti an thei tawn lo I ca hna an rak kan kuat tawn, cu pinah zeiti ti awk kan theilo I lungrawk in kan um tawn hna, A herh mi pawl Facebook na tuah nak kha Mail a siah cun kha na Mail kha a Password na theih a her lai na mail inbox na check khawh a herh lai. Phone number in na tuah mi a siah cun kha na rak tuah nak SIM Card kha na hman lio mi a si a herh fawn. tam ka chim ti lailo.

1. A hmasa bik ah Facebook log In nak ah lutlaw a tanglei hmanthlak bantuk in na mail na tial piak lai Example ah keimah Facebook luh nak mail kan tial piak hna, password na philh caah password tial nak zawn kha (blank) in chiah piak law hmanthlak ah 2 nak ka tinak (Forgotten Password? ) timi khi na hmeh piak lai.

2. A chunglei I ka chim bantuk in Forgotten Password na hmeh piak cangah cun a thanglei hmanthlak bantuk in na hmuh than lai (Email, phone or full name) umnak ah khin nan fian khawh nak ding caah keimah mail ka tial nangnih cun Facebook ah na hmanmi Mail kha na tial piak lai I a tangah (Search) na hmeh piak than lai. 1 le 2 tiin ka pek hna I na theihthiam ko lai tiah ka ruah.

3. Search na hmeh piak hnu tlawm pal ah a tanglei hmanthlak bantuk in na hmuh lai I 1 nak ka ti nak zawnte khi zoh law nangmah na Facebook a si ah cun Password na na thlen khawh lai, a cunglei ah ka tial cang kha mu, Na Phone ah a silo le na Mail ah code na kuatter a herh caah (Send code via SMS) Or (Send code via email) nangmah nih na duh mi na thim piak lai I (Continue) na hmeh piak lai.

4. A cunglei I ka chim ningte I na tuah ah cun a tanglei hmanthlak bantuk in na hmuh lai I 1 nak zawn te khi blank in a rak um lai I Code na rak I kuat ter nak (send code via SMS) na thim piak ah cun na phone ah 6digit number an kuat lai, (Send code via mail) na thiam piak ah cun na mail inbox ah 6digit an kuat lai I cu Code number cu copy tuah law a tanglei I keimah nih nan theih fian nak ding caah code number rak tial cia nak ah khin nan tial ve lai I, Continue nan hmeh piak lai.

5. Continue nan hmeh piak hnuah a tanglei hmanthlak bantuk in na hmuh than lai I password thar aa khat mi na tial piak lai I Continue na hmeh piak lai na Facebook kha na hman khawh cang lai.

Note::::  Na hawile Phone/Computer ah na facebook an On ko rua tiah na zumh ah cun Password thar na tial nak tangah khan (Log me out of Facebook everywhere else my account might be open.) Tinak zawn ah khan Tick/Mark piak law Continue na hmeh piak lai.  Mah belte na hawile Phone/Computer ah na/an in Online piak loah cun Note I ka tial mi hi a herh tuk lem lo.